ເທັກນິກການສຳພາດວຽກ

ມື້ສຳພາດວຽກ ເປັນມື້ສຳຄັນຂອງການລໍຄອຍ ໃນມື້ນີ້ເຮົາຕ້ອງບອກໂຕເອງວ່າ ຕ້ອງເຮັດໃຫ້ດີທີ່ສຸດ ແຕ່ເຮົາຈະເຮັດໃຫ້ດີທີສຸດໄດ້ນັ້ນ ເຮົາຕ້ອງກຽມຄວາມພ້ອມ ຂໍ້ຄວນລະວັງຢ່າເຮັດໃຫ້ຄວາມຜິດພາດ ເຮົາກໍຈະເຂົ້າໃກ້ຄວາມສຳເລັດຫຼາຍຂຶ້ນ

• ü   ນຸ່ງເຄື່ອງໃຫ້ເປັນລະບຽບຮຽບຮ້ອຍ
• ü   ໄປຮອດກ່ອນເວລານັດ
• ü   ນັ່ງຖ້າດ້ວຍຄວາມເປັນລະບຽບຮຽບຮ້ອຍ
• ü   ຢ່າສະແດງອາການຫງຸດຫງິດ ບໍ່ພໍໃຈ ເມື່ອກາຍເວລານັດ ແລ້ວຍັງບໍ່ເອີ້ນສຳພາດ
• ü   ເມື່ອໄດ້ຮັບການເອີ້ນຊື່ ໃຫ້ເຄາະປະຕູກ່ອນເຂົ້າຫ້ອງສຳພາດ
• ü   ເວົ້າສະບາຍດີທັກທາຍກ່ອນ
• ü   ໄດ້ຮັບເຊີນແລ້ວກ່ອນຄ່ອຍນັ່ງ
• ü   ຄວນນັ່ງໃຫ້ສຸພາບ ບໍ່ຄວນນັ່ງໄຂວ່ຂາ
• ü   ໃນເວລາສຳພາດໃຫ້ເບິ່ງໜ້າຜູ້ສຳພາດຢູ່ສະເໝີ ທັງເວລາທີ່ເຮົາເວົ້າ ແລະຟັງ
• ü   ສີໜ້າ, ທ່າທາງ, ການວາງມື ຄວນຢູ່ໃນທ່າທີ່ເໝາະສົມ
• ü   ເວລາໄອ ຫຼືຈາມ ໃຫ້ປິດປາກ ແລະກ່າວຂໍໂທດ
• ü   ຕອບຄຳຖາມໃຫ້ສັ້ນ, ກະທັດຮັດ ແລະໄດ້ໃຈຄວາມ
• ü    ບໍ່ເຄັ່ງຄຽດ ຄວນຍິ້ມແຍ້ມແຈ່ມໃສເວລາເວົ້າ ໃຫ້ຮູ້ສຶກເປັນກັນເອງ
• ü   ຖ້າຟັງຄຳຖາມບໍ່ເຂົ້າໃຈ ຄວນຖາມຄືນ
• ü    ເວົ້າຄວາມຈິງ, ຢ່າຂີ້ຄຸຍ ຢ່າອ້ອນວອນໃຫ້ຮັບເຂົ້າເຮັດວຽກ
• ü    ຢ່າຖາມເຖິງສະວັດດີການ ແລະຜົນປະໂຫຍດ
• ü    ຢ່າຖາມໃນທຳນອງວ່າ ໂອກາດໄດ້ວຽກມີໜ້ອຍຫຼາຍພຽງໃດ